Historia jonë në një pemë: Rrapi i shpërfytyruar i Ballaban Pashës

Nga Ahmet Zani

Ekziston një rrap i rrallë në Krujë, afro  800-vjeçar, i njohur si “Rrapi i Ballaban Pashës”.

Pema e rrallë për nga mosham, që mban dhe emrin e rallë, atë të një komandantitë ushtrisë osmane e cila u ndesh me trupat e Skënderbeut, ndodhet në veriperendim të qytetit në të majtë të rrugës Krujë- Qafë-Shtamë.

Diametri i trungut është mjat i madh, por shpesh rrapi i rrallë është djegur si nga shkarkesat natyrore, rrufeve pra, duke i dëmtuar degët, dhe nga moskujdesja është shndërruar në vend të grmbullimit të mbetjeve urbane.

Historia e rrapit shekullor lidhet pikërisht me ushtrinë e Ballaban Pashës, ku thuhet se nën hijen e tij dhe ujin e freskët të krojit pranë, kanë pushuar trupat e udhëhequra prej tij gjatë përballjeve me trupat e udhëhequra nga Skënderbeu.

Edhe pse e kanë shndërruar në vendhedhje mbetjesh në ndryshme, banorët shfaqen të merakosur për të, duke iu adresuar shtetit që sipas tyre duhet ta mirëmbajë. Ata e konsiderojnë “Rrapin e Ballaban Pashës” si një monument të rrallë të natyrës, e cila mund të tërheq vizitorë të shumtë, meqë asaj ane udhëtohet shumë për arsye turistike.

Historiani venda, Hasan Stafa, shprehet se ky monument duhet të lançohet në vendet që mund të vizitojnë  turistët vendas si dha ata të huaj, pasi panorama dhe historia që ofrohet e bëjnë atë të veçantë.

Rrapi shekullor i Ballaban Pashës konsiderohet pjesë e jetës së banorëve të Krujës. Aty dikur ka qenë vendi ku zhvilloheshin Kuvendet e Pleqësisë.

Dhe ashtu i shpërfyturuar siç është, ky rrap që mban aq histori brenda, duket sikur metaforikisht  shpalos dhe shpërfytyrimin e historisë sonë, si në mënyrën e të rrëfyerit, ashtu dhe në atë të ruajtjes, konservimit, përkujdesjes ndaj saj, si memorie e kombit. /tesheshi.com/