Dy vëllezërit Haxhi dhe Petrit Dama nga fshati Sopot i Bulqizës prej 6 muajsh jetojnë në çadër pas djegies së shtëpisë së tyre.
Me afrimin e stinës së dimrit, gjendja e tyre rëndohet edhe më tepër, ndaj ata kërkojnë ndihmë nga institucionet shtetërore për ti siguruar një strehë.
“E vështirë jeta për ne. Banojmë në çadër, pasi dolëm nga tuneli. Është e vështirë, sepse po të bjerë dëborë, çadra nuk e mban atë. Shpresoj që Bashkia dhe kryetari i Bashkisë të na ndihmojë”, thotë Haxhiu, raporton TCH.
Vëllai i tij, Petrit Dama shprehet se për shkak të jetesës së vështirë në çadër ka patur edhe probleme shëndetësore.
“Kam qenë katër herë në spital. Tre herë kam shkuar me ambulancë. E kam nga vuajtja dhe hallet, nga mungesa e shtëpisë. Dua që të interesohet, në radhë të parë kryetari i Bashkisë dhe nga Kryeministria”, shprehet Petriti. /tesheshi.com/
