Grace është një vajzë e vogël britanike e moshës 3 vjeçare, me sytë e kaltër dhe me nj buzëqeshje shumë të bukur, por që kur ka lindur dhe deri më tani, është në kërkim të diçkaje që do ta bënte me të vërtetë shumë të lumtur: një familje.
Vajza e vogël lindi para kohe pasi nëna e saj biologjike pësoi një aksident, çka i shkaktoi asaj nj dëmtim serioz, ndaj vajza u dha për birësim, por deri më tani nuk ka gjetur asnjë çift që të dojë të bëhet nëna dhe babai i të voglës Grace.
E vogla, e cila prej lindjes vuan nga disa sëmundje kronike në mushkëri, pasi ka ndenjur në inkubator për disa javë rresht, prej kohësh është mikpritur nga një familje në Midlands, Jill e Paul, të cilët kujdesen për të çdo ditë. Mirëpo, tani çifti është duke dalë në pension dhe nuk lejohet që të adoptojnë të voglën, ndaj ata kanë bërë një apel ndërsa askush nuk merr guximin të birësojë fëmijën që ata janë duke rritur.
“Të gjithë mendojnë se duke qenë se ajo ka disa probleme me shëndetin mund të jetë agresive dhe mund të kërkojë shumë kohë për tu kujdesur, por në të vërtetë nuk është aspak ashtu. Është një fëmijë shumë i qetë”,- shpjegon Jil për mediat britanike, të cilat shtojnë se “vajza ka nevojë me të vërtetë për një familje e cila do të mund të kujdeset për të, pasi vuan nga probleme shëndetësore, por jo mendore. Është një fëmijë inteligjent dhe shumë i dashur”.
Edhe pse Grace ka bërë përmirësime të dukshme, problemet e saj me shëndetin vijojnë të jenë të pranishme: ka probleme me ngrënien e ushqimit, sëmuret shumë shpejt dhe duhet që dikush ta vëzhgojë herë pas here edhe gjatë natës. Jill dhe Paul, të cilët kanë rritur në shtëpinë e tyre edhe 40 fëmijë të tjerë gjatë 19 viteve të fundit, janë të sigurt se shumë shpejt do të ketë një surprizë shumë të bukur edhe për të voglën./tesheshi.com/
