Një 41-vjeçar i cili ishte zjarrfikës vullnetar në Mississippi tani jeton me fytyrën e një 26-vjeçari nga Brooklyn, i cili më parë ishte mekanik biçikletash.
Një operacion plastik i realizuar nga New York University Langone Medical Center, mbi këtë 41-vjeçar është cilësuar si transplanti më i gjerë i fytyrës në histori.
“Në vitin 2001, kur Patrick Hardison hyri në një banesë që ishte duke u djegur, bashkë me një ekip shpëtimi, çatia ra mbi të dhe maska që e mbronte iu dogj në fytyrë”,- thotë Dr. Eduardo Rodriguez, i cili drejtoi ekipin mjekësor me 150 anëtarë të NYU.
Hardison mbajti frymën dhe u hodh jashtë nga dritarja. Ai u shpërfytyrua në të gjithë fytyrën, kokën, qafën si dhe në pjesën e gjymtyrëve të sipërm. Gjithashtu humbi sytë, veshët, buzët, pjesën më të madhe të hundës, sikurse edhe flokët, përfshirë edhe vetullat.
Pasi bëri mbi 70 operacione, atë e prezantuan me anëtarët e University of Maryland Medical Center. Pasi priti për më shumë se një vit, për të u gjet një dhurues. Ai ishte 26-vjeçari David Rodebaugh, i cili ndërroi jetë në një aksident me biçikletë më 12 gusht. Disa prej organeve të tij jetësore iu dhuruan personave të tjerë.
Operacioni i Hardison u zhvillua dy ditë më pas. U deshën 12 orë punë mjekësore për operimin e fytyrës së Rodebaugh dhe adaptimin e saj tek Hardison.
Rodriguez dhe ekipi i tij i dhanë Hardisonit një fytyrë të re, skalp të ri, veshë dhe kanal veshësh si dhe rindërtuan hundën, mollëzat e faqet. Atij iu vendosën qepalla të reja dhe muskuj për kontrollin e tyre.
Që prej vitit 1985, në të gjithë botën janë realizuar gjithsej 28 transplante fytyre, ku 3 prej tyre nuk kanë dhënë rezultat, por pjesa tjetër ka qenë mjaft inkurajuese, sipas të dhënave të një studimi me bashkë autor mjekun Rodrigues, të publikuar në The Lancet këtë vit.
Rodrigues shprehet se tre muaj pas operacionit, Hardison e ka marrë veten shumë mirë. Brenda 6 muajve ai do të jetë në gjendje të flasë pa problem.
Të gjitha procedurat operative dhe mjekësore, të cilat u paguan nga NYU, kishin një kosto nga 850.000 $ dhe 1 milion $./tesheshi.com/
Kujdes: Pamje të rënda!
