Collette Divitto, një vajzë 26-vjeçare me sindromin Down ka frymëzuar personat e tjerë me aftësi të kufizuara, për të ndjekur ëndrrat e tyre, pas suksesit që po merr, teksa drejton kompaninë e saj të ëmbëlsirave në Boston.
“Biskotat e mia janë me shije të mahnitshme”, tha Divitto për ABC News, duke shtuar se i ajo shton ëmbëlsirave të saj përbërsin që ajo e quan “100 përqind dashuri. “Në fakt është një biskotë çokollate me kanellë. Kjo është arsyeja pse ajo quhet një biskotë e mahnitshme.”
Por, Divitto ka bërë një udhëtim të gjatë për të ardhur këtu ku është sot. “Për vite me radhë, kam parë njerëz të shumtë duke i’a mbyllur derën”, thotë Rosemary Alfredo, nëna e Divitto-së dhe shton se vajza e saj kaloi një kohë të gjatë duke kërkuar punë, por pa sukses. Divitto thotë se ajo është ndjerë e keq nga refuzimet e shumta.
Në vend të kësaj, ajo e konkretizoi pasionin për gatimin, duke hapur kompaninë e saj të biskotave “Collettey”, me ndihmën e nënës dhe motrës.
Divitto, dhe biskotat e saj të shijshme, janë bërë shumë të njohur në lagjen e saj, dhe ajo tashmë ka fituar mbi 50.000 porosi për biskota, bazuar në faqen e saj të internetit.
E ëma tregon se Divitto shërben si një frymëzim për të tjerët, për të ndjekur ëndrrat e tyre. Qëllimi i saj është që të punësojë persona me aftësi të kufizuara. “Mos hiqni dorë” thotë Divitto si mesazh për të tjerët. “Jetoni ëndrrat tuaja dhe vazhdoni të bëni atë që duhet të bëni.”./tesheshi.com/
