Shfaqja e koronavirusit si epidemi globale, mund të çojë deri në anullimin e peligrinazhit të Haxhit këtë vit, që është tubimi më madh i në botë, ku me miliona njerëz përqendrohen në një vend të caktuar, siç është Meka.
Eshtë herët për të folur për këtë, pasi me ngrohjen e motit e ardhjen e të nxehtit të verës, virusi mund të zbrapset dalëngadalë.
Haxhi në Mekë është një nga 5 shtyllat e Islamit, një obligim për të kryer të paktën njëherë në jetënga çdo musliman i rritur dhe i shëndetshëm. Por ka ndodhur përgjatë historisë islame, pikërisht për shkak të epidemive, që ky peligrinazh edhe të mos jetë i mundur për ndonjë vit, ose të ketë qenë i përshkuar nga humbje jete të shumta nga sëmundjet ngjitëse.
Në 1814, rreth 8 mijë njerëz vdiqën nga epidemia e murtajës në Hixhaz (zonë në Arabinë Sauditë që përfshin dhe Mekën), duke bërë që Haxhi të anullohej.
Përhapja shpërtheu gjithashtu në vitin 1837 gjatë periudhës së Haxhit dhe zgjati deri në vitin 1892, ku me mijëra pelegrinë ndërruan çdo ditë gjatë asaj periudhe.
Ndërsa epidemia e parë e kolerës filloi në shekullin XIX midis 1817-1824 dhe njihej si “kolera aziatike”. Ajo shpërtheu nga qyteti indian i Kalkutës dhe u përhap në të gjithë Azinë Juglindore, Lindjen e Mesme, Afrikën Lindore dhe bregdetin e Mesdheut.
Gjatë kësaj periudhe, mijëra pelegrinë vdiqën nga epidemia, e cila u zhvendos nga pikat kryesore në Azinë Lindore dhe në atë Jugore, për në rrugët pelegrinazheve, dhe në Mekë, në vitin 1831, epidemia nga India u zgjerua përsëri dhe mori jetën e shumë haxhilerëve.
Deri në 1840 ka pasur raste sezonale të epidemisë, e gjithashtu nga 1846 deri në 1850.
E ashtuquajtura “epidemia e katërt e kolerës” në 1863 vrau dhjetëra mijëra viktima në Hixhaz dhe në të gjithë Lindjen e Mesme, duke u transferua dhe në Rusi, Evropë e Afrikë. Në vetëm disa vjet, përqendrimet e kolerës u bënë të zakonshme në qytete në Evropë, Rusi, madje edhe në Amerikën e Veriut.
Në 1858 dhe 1864, Egjipti ndihmoi në përpjekjen për të frenuar përhapjen e infeksionit duke punësuar mjekë dhe duke siguruar karantinë. Por në vitin 1892 pati një rishpërthim epidemi që përkoi me sezonin e Haxhit duke shkaktuar vdekje të shumta. Kjo bëri që shumë haxhinj të varroseshin në Mekë. /tesheshi.com/
