Është përzënë nga një bar në Rusi pasi është me aftësi të kufizuara dhe autike. Ngjarja ka i ka ndodhur motrës së modeles me famë ndërkombëtare, Natalia Vodianova, e cila ka denoncuar publikisht në Facebook atë që ka ndodhur.
“Është e papranueshme”, shkruan ajo në rrjetet sociale. “Largohuni! Jeni duke frikësuar të gjithë klientët. Kurohuni dhe nisni të dilni në vende publike pasi të jeni shëruar plotësisht”,- i ka thënë pronari i lokalit motrës së Natalias dhe shoqëruesit të saj.
“Ajo që i ka ndodhur motrës time nuk është një rast i izoluar. Për fat të keq ky është realiteti në të cilën jetojnë të gjitha familjet që kanë fëmijë me aftësi të kufizuara. Për mua është e vështirë të flas për këtë temë, por është diçka për të cilën shoqëria duhet të reagojë dhe të marrë masa”,- ka thënë modelja.
Pas kësaj ngjarje, drejtori i bar Flamingo në Nizhny Novgorod, nga ku Oksana Vodianova u largua në mënyrën më të pasjellshme, rrezikon një gjobë deri në 500 mijë rubli (rreth 7 mijë euro) ose dënimin deri në 5 vite burg për dhunim të dinjitetit njerëzor./tesheshi.com/
