Një histori aspak e zakontë dhe normale ka ndodhur në qytetin e Peshkopisë, ku një burrë i moshës 39-vjeçare është plagosur me pistoletë në këmbë. Ai është paraqitur në spital jashtë rrezikut për jetën ditën e djeshme rreth orës 15:00.
Në polici 39-vjeçari Andi Losha ka deklaruar se një person të cilit nuk kishte mundur t’i shikonte fytyrën, e ka qëlluar më armë në këmbë. Ngjarja ka ndodhur në një rrugë të fshatit Kacni.
Policia bën me dije se pak metra me larg vendit të ngjarjes ka gjetur të fshehur armën e zjarrit bashkë me gëzhojën e bllokuar në folenë e fishekut. Si pasojë, policia ka ndaluar Loshën, i cili është me detyrë përgjegjës i HEC në Kacni.
Blutë e Peshkopisë bëjnë me dije se si prova materiale janë sekuestruar edhe veshjet e dëmtuara nga arma, ndërsa Andi Losha, pasi është vetplagosur i ka ndërruar rrobat dhe më pas i ka fshehur ato.
Në cilësinë e provës materiale është sekuestruar predha e nxjerrë nga trupi i Andi Loshës./tesheshi.com/
