Që pirja e duhanit është një nga shkaqet kryesore të vdekjes, kjo është mëse e ditur. Tani,një studim i ri i kryer gjatë kohëve të fundit në Universitetin e Harvardit dhe në Huazhong University of Science and Technology, në Kinë, evidenton rrezikun e zhvillimit të diabetit të tipit 2 jo vetëm tek ata që janë duhanpirës të rregullt, por edhe tek ata që janë konsumatorë pasivë.
Kërkuesit, të drejtuar nga Frank Hu e An Pan, janë bazuar në 88 studime të realizuara gjatë viteve në 6 milionë individë. Nga rezultatet, shkencëtarët kanë përcaktuar se duhanpirja aktive rrit rrezikun e diabetit të tipit 2 me 37%, ndërsa tek duhanpirësit pasivë, me 22%. Diabeti zhvillohet kur qelizat e trupit nuk reagojnë ndaj insulinës dhe si pasojë nuk lejojnë funksionimin e tyre siç duhet. Sipas kërkuesve, çdo cigare rrit rrezikun e zhvillimit të kësaj sëmundje: për duhanpirësit ‘e lehtë’ bëhet fjalë për 21%, për ata ‘të moderuarit’ me 34% dhe deri në 54% tek ata që janë konsumatorë ‘të çmendur’.
“Konsumi i cigareve duhet të konsiderohet si një prej faktorëve më të rrezikshëm të diabetit”,- ka deklaruar profesor Hu.
“Ky lloj zakoni i keq, nga ana e institucioneve sanitare mund të ketë një impakt të fortë për reduktimin e këtij rreziku në nivel global”,- shton ai.
Tërësisht dakordme mendimin e profesor Hu është edhe profesori Naveed Sattar, në universitetin Glasgow në Skoci. “Mjekët duhet ta përmendin edhe rrezikun e diabetit, jo vetëm të sëmundjeve kardio-vaskulare si dhe shumë lloje kanceri, si për shembull, ai i mushkërive. Pacientët që pijnë duhan duhet të informohen edhe për faktin se braktisja e duhanit ul jo vetëm rrezikun e prekjes nga kanceri dhe shumë sëmundje të zemrës, por i qëndroni larg edhe diabetit”.
Rezultatet e kërkimit janë publikuar në revistën shkencore “The Lancet Diabetes and Endocrinology.”./tesheshi.com/
