Ministri i Jashtëm i Iranit, Mohammad Javad Zarif ka lajmëruar se sanksionet ndërkombëtare të vendosura ndaj Teheranit për programin e tij nuklear do të hiqen. “Është një ditë e mirë për popullin iranian”,- lajmëron ai duke shpjeguar se me aplikimin e planit të ri “eliminohen zyrtarisht të gjitha masat mizore të Këshillit të Sigurisë” sikurse edhe “të gjitha sanksionet nukleare të vendosura ndaj republikës islamike të Iranit”.
Sikurse raporton agjencia Fars, Teherani kaq liruar “pesë qytetarë amerikanë, përfshirë edhe Jason Rezaeian”, shefin e zyrës së Teheranit për Washington Post. Rezaeian u arrestua bashkë me gruan e tij, Yeganeh Salehi, nën akuzën e spiunimit. Bashkëshortja u lirua disa ditë më pas, ndërsa i shoqi ngeli në burgun Evin, një burg për të dënuarit politikë dhe intelektualët.
Shtetet e Bashkuara të Amerikës kanë nxjerrë nga burgu 7 të ndaluar. Marrëveshja parashikon që shtetet të heqin dorë nga ekstradimi i të burgosurve të akuzuar për blerjen e armëve nga SHBA-të në favor të Teheranit./tesheshi.com/
