Edhe pse është kundërshtuar nga Nikollaq Neranxi, kreu i komunitetit himariot, se do të flitej greqisht në protestën e sotme, jo vetëm që u fol në gjuhën helene por edhe parullat kanë qenë greqisht.
Ka qenë më i paktë nga sa mendohej numri i pjesëmarrësve të mitingut në Himarë, që është mbështetur nga Vangjel Dule dhe një delegacion i opozitës.
“Kjo tokë quhet Himarë dhe zotër të saj janë himarjotët. Toka e Himarës nuk është plaçkë në shitje. Nuk bëjmë pazar me amanetin e të parëve”, u tha në protestë.
Kreu i PBDNJ-së, Vangjuel Duke, i është drejtuar të pranishmëve në gjuhën greke dhe më pas e ka përkthyer atë në gjuhën shqipe.
“Po ta nisja greqisht, do thoshin gazetarët se flas greqisht, po ta nisja ne shqip, himarjotët do mendonin se i braktisa. Statusi i pronave në Himarë është në rrezik, të zbukuruara me retorikë kontemporane dhe ka vetëm një kryefjalë: grabitja e pronës”.
Gjithashtu, i pranishëm ishte edhe kreu i republikanëve, Fatmir Mediu dhe ish-kandidati për kryetar Bashkie, Fredi Beleri.
Nikollaq Neranxi, drejtor Ekzekutiv i Komunitetit Himariot tha se “I themi Goros dhe pushtetit mafioz se nuk na ktheni dot nga pronarë në të pastrehë. Himara nuk do vdesë kurrë që të rilindë”.
Ndërkaq, i planifikuar të jetë sot në Himarë, Nikolas Gejxh ka qëndruar në Sarandë pasi mediat kanë shkruar për pjesëmarrjen e tij.
Greko-amerikani ka qëndruar deri në mesditë e më pas është larguar. /tesheshi.com/
