Himara do këtë sërish një Bollano në krye, por jo Vasilin e dikurshëm.
Do jetë Arqile Bollano, i cili zëvëndëson Blerina Balajn e dorëhequr, të dy të komanduar, pasi Jorgo Goro ndodhet pas hekurave nën akuzë nga SPAK.
Arqile Bollano do të qëndrojë në këtë post derisa drejtësia të dalë me një vendim të prerë për Fredi Belerin dhe qeveria të vendosë për të shpallur zgjedhjet e reja në Bashkinë e Bregut.
Bollano ishte n/kryetar Bashkie. Kandidati tjetër në garë, n/kryetari Pervin Gjikuria u tërhoq nga gara dhe në këto kushte Këshilli Bashkiak i besoi postin e kryetarit të komanduar Arqile Bollanos. Ai mori 12 vota pro dhe 9 kundër.
Ai ka premtuar se do të jetë bashkëpunues dhe do të punojë për të mirën e Himarës, duke mos parë ndasitë mes mazhorancës dhe opozitës.
Ky zhvillim e ka tërbuar akoma dhe më shumë Belerin, i cili për Bollanon u shpreh: se është “një njeri që nuk përfaqëson askënd, një shërbëtor të pushtetit dhe një dështak në administrimin e Himarës”. /tesheshi.com/
