Stavri Marko, një gazetar himariot që mban anën e politikave të Athinës, nuk ka pranuar të përmend fjalën “Maqedoni”. I pranishëm në Top Story për të diskutuar mbi Himarën, në komentet e tij, në aq herë sa i duhet të përmendte Maqedoninë, zgjidhte t’i thoshte vetëm “Fyrom”.
Nga ana tjetër, Marko tha dhe një frazë e cila provokoi të qeshura ironike tek Pëllumb Xhufi, i ftuar po ashtu në studio, kur tha se “…Himara ju bashkua Shqipërisë më 1921…”. Historiani Xhufi tha gjithashtu duke komentuar ligjin e luftës dhe efektet e tij, se ai ia ka falur Greqisë tokat e tij të trashëguara nga gjyshi.
Xhufi foli dhe për varret e pretenduara greke në territorin shqiptar, duke hedhur dyshimin se ato po kërkohen të jenë, çuditërisht, në vijën e Vorio Epirit. /tesheshi.com/
