Ish-sekretarja amerikane e Shtetit ka fituar së fundi në votimet praprake në Nju Meksiko, në Dakotën e Jugut dhe në Nju Xhersi, duke deklaruar fitoren në garën mes demokratëve për kandidatin presidencial.
Ende vazhdon numërimi në votimet paraprake në Kaliforni, por Hillary Clinton është shfaqur mjaft entuziaste në një manifestim në Nju Jork.
Ajo ka çmuar lart, para mbështetësve të saj, faktin se kjo është hera e parë në historinë e SHBA-ve që një grua do të jetë kandidatura presidenciale e një partie të madhe.
“Fitorja e sontme u përket brezave të grave dhe burrave që luftuan dhe sakrifikuan për ta bërë të mundur këtë moment,” tha ajo para turmës së përkrahësve.
Deklarimi i fitores nga Hillary Clinton vjen një ditë pasi agjencia e lajmeve Associated Press njoftoi se ajo ishte tashmë kandidatura e demokratëve, mbështetur në një përllogaritje të delegatëve dhe superdelegatëve.
Bernie Sanders, rivali i saj, ka dalë fitues Montana dhe në Dakotën e Veriut, e shpreson të shpallet fitues dhe në Kaliforni, ku gara është shumë e fortë.
Sidoqoftë, ai ka premtuar se nuk do të dorëzohet e se do ta vazhdojë përpjekjen e tij.
Një përllogaritje e fundit e AP-së e paraqet Hillary Clinton-in ta ketë kaluar numrin e delegatëve që duhen për të garantuar kandidimin. Ky numër, sipas AP-së, ka vajtur në 2.497, ndërsa nevojiten 2.383. /tesheshi.com/
