Rreth 1500 email-et e marra në dorëzim nga FB prej serverit privat të përdorur nga Hillary Clinton kur ajo ishte sekretare e Shtetit janë caktuar të publikohen shumë pak përpara zgjedhjeve presidenciale të nëntorit, në Shtetet e Bashkuara. Vendimi është marrë nga gjykata.
Departamenti i Shtetit tha se po kontrollonte 14 mijë e 900 dokumentet që dolën në dritë në atë që mund të cilësohet hetim i përfunduar për menaxhimin e informacioneve delikate përmes serverit privat. Kjo sasi është një shtesë e konsiderueshme për 30 mijë email-et që avokatët e Clinton i konsideruan të lidhura me punën dhe që u rikthyen në departamentin e Shtetit në dhjetor 2014.
FBI e shfajësoi Clinton për sjellje penale, por gjeti se ajo kishte qenë “ekstremisht e pakujdesshme” dhe saga vazhdon ta përndjekë atë. Më 5 gusht FBI përfundoi transferimin e disa mijëra dokumenteve që më herët ishin të papublikueshme pasi lidheshin me punën, në Departamentin e Shtetit për t’i marrë në shqyrtim dhe për t’i publikuar.
Në koment të lajmit, kreu i Komitetit Kombëtar republikan, Reince Priebus, tha se Clinton “duket e paaftë për të thënë të vërtetën”.
Avokatët e shtetit i thanë gjykatësit federal se ata prisnin që të publikonin email-et në pjesë në datat 14, 21 dhe 28 tetor dhe më 14 nëntor. Zgjedhjet presidenciale, ku përballë gjendet kandidati republikan, Donald Trump, zhvillohen më 8 nëntor.
Gjykatësi Boasberg urdhëroi që Departamenti të synonte një afat më ambicioz dhe caktoi një seancë tjetër më 22 shtator për të parë progresin e çështjes.
Tom Fitton, president i grupit ligjor konservator “Roja Gjyqësore” që solli rastin në gjykatë në bazë të aktit të Lirisë së Informacionit, shkroi në rrjetet sociale: “FBI gjeti pothuajse 15 mijë dokumente të reja të Clinton. Kur do të publikohen ato?”
Një tjetër gjykatës federal, Emmet Sullivan, urdhëroi Clinton të përgjigjet me shkrim për pyetjet e ngritura nga “Roja Gjyqësore”. Përgjigjet e saj nuk pritet të publikohen para zgjedhjeve.
Departamenti i Shtetit pretendon se “po i jep prioritet” vlerësimit të sasisë së re të dokumenteve ndërkohë që përcakton sesa prej tyre janë të lidhura me punën qeveritare dhe sa janë personale.
14,900 dokumentet ndodheshin në diskun e parë kompjuterik nga shtatë të tillë. Numri i dokumenteve në të gjitha disqet është ende i panjohur, por sipas avokatëve mund të shkojë në dhjetëra mijë.
Por, gjykatësi Boasberg urdhëroi që Departamenti i Shtetit të përqëndrohet së pari në diskun e fillimit.
“Roja Gjyqësore e ngriti padinë në maj 2015, pas zbulimit se Clinton kishte përdorur ekskluzivisht një server privat për postën elektronike ndërsa ishte sekretare Shteti gjatë viteve 2009 deri në 2013.
Pas seancës gjyqësore, kreu i komitetit republikan Priebus theksoi se rastet e përsëritura të pandershmërisë së Clinton janë tërësisht të papranueshme për një kandidate që kërkon detyrën më të lartë të kombit, dhe refuzimi i saj për të thënë të vërtetën e për t’i dalë për zot gjykimit të dobët që përdori, është një shfaqje e asaj që do të jetë sjellja e saj nëse zgjidhet presidente.
“Edhe më keq, madje, ky lajm vjen ndërsa kampi i Clinton po përpiqet në mënyrë të shtirur ta ngecë fajin e emaileve tek Colin Poëell, duke ngritur dyshime serioze nëse ajo ka gënjyer FBI-në”.
Ish-sekretari i Shtetit, Colin Poëell tha për median se njerëzit e Hillary po përpiqen ta fajësojnë. E vërteta sipas tij, është se ajo kishte përdorur serverin privat për gati një vit përpara se ai t’i niste një memo ku i tregonte se çfarë kishte bërë”.
Poëell tha javën e kaluar se kishte dërguar një memo tek Clinton “ku përshkruante përdorimin e llogarisë së tij personale AOL për mesazhe të paklasifikuara dhe sesa shumë e kishte përmirësuar kjo gjë komunikimin brenda departamentit të Shtetit”.
“The Times” tha se raportimi bazohej në një document të dalë në mënyrë sekrete nga Kongresi me shënime nga një intervistë e klasifikuar.
Përgatiti: Juli Prifti – /tesheshi.com/
