Rivalja e Donald Trump-it në zgjedhjet presidenciale amerikane ka fajësuar drejtorin e FBI-së, James Comey, për humbjen e saj.
“Ka shumë arsye pse zgjedhjet si këto nuk janë të suksesshme,” u tha Hillary Clinton donatorëve në një bisedë telefonike 30-minutëshe.
“Analiza jonë është se letra e Comey-t, që ngriti dyshime të cilat ishin të pabaza, e që duheshin provuar, e ndali vrullin tonë,” u parashtroi ajo donatorëve.
Drejtori i FBI-së e informoi Kongresin më 28 tetor se po shqyrtoheshin email-e të zbuluara rishtas të Clinton-it, për të njoftuar më 6 nëntor përmes një letre të dytë se i qëndronte pikëpamjes së tij të parë, sipas së cilës Clinton nuk kishte kryer vepër penale.
Drejtuesit e fushatës elektorale së Clinton-it do të deklaronin se lëvizja e fundit e Comey-t do t’i jepte edhe njëherë jetë pretendimit të rivalit të saj se ajo mbrohej nga një sistem i manipuluar. /tesheshi.com/
