Lidershipi politik kosovar është përfshirë nga një skandal, pas urimit në korr se Xhamajka e njohur Kosovën, kumtuar fillimisht nga zyra e Presidentit Thaçi, e pasuar dnga qeveria e ish-qeveritarë.
Por nga shteti në fjalë kjo u mohua orë më vonë
“Deri më sot Xhamajka nuk e ka njohur Kosovën”, shkroi ministrja e Jashtme e Xhamajkës Kamina J Smith.
Po nga burroi lajmi dhe kush e ka barën për këtë vetëposhtërim të Prishtinës zyrtare për një prej çështjeve më delikatë, atë të (mos)njohjeve?
Sipas presidentit Thaçi, i takon ambasadores Vlora Çitaku të sqarojë këtë që ka ndodhur.
“Zyra e Presidentit të Republikës së Kosovës është njoftuar mbrëmë zyrtarisht nga Ambasadorja e Kosovës në Uashington, Vlora Çitaku, për njohjen nga shteti i Xhamajkës. Të njëjtin njoftim, ambasadorja e ka dërguar edhe në Zyrën e Kryeministrit dhe të Ministrit të Punëve të Jashtme. Presidenti këtë njoftim e ka bërë publik përmes profilit të tij në Tëitter. Për informacione tjera, luteni t’i drejtoheni Ministrisë së Punëve të Jashtme”, thuhet në përgjigjen e Zyrës së Informimit të Presidencës.
Dhe siç dihet, Ministria e Jashtme drejtohet nga Glauk Konjufca i VV, i cili qe gjithashti një nga uruesit kryesor për lajmin. /tesheshi.com/
