Një grup me ndikim i ligjvënësve britanikë ka akuzuar qeverinë e kryeministrit Boris Johnson se nuk po kryen testime të mjaftueshme për virusin koronar, i cili ka rezultuar në më shumë vdekje.
Autoritetet britanike fillimisht u përpoqën të gjenin dhe testonin këdo që binte në kontakt me njerëz të infektuar me virusin koronar, por braktisën strategjinë në mes të marsit, pasi numri i infeksioneve tejkaloi burimet e testimit.
Nënkryetarja i Këshillit Shkencor në qeveri, Angela McLean pranoi se vendimi i marrë në 12 mars ishte i kushtëzuar nga kapaciteti jo vetëm nga shkenca, duke thënë se ishte gjëja më e mirë që ata mund të bënin me testet që kishin.
Qeveria konservatore e Johnson po përballet me kritika në rritje pasi Mbretëria e Bashkuar ka një nga nivelet më të larta të vdekjeve nga koronavirusi në botë.
Sipas të dhënave të qeverisë, 35.341 vdekje janë raportuar në MB, dhe nëse shtohen raste të dyshimta, numri i përgjithshëm ndoshta tejkalon 40,000.
Një akuzë e ngjashme u bë dhe nga opozita shqiptare karshi qeverisë, e cila nga ana e saj mbrohej duke thënë se strategjia e testeve nuk përcaktohej prej saj por nga Komiteti Teknik. /tesheshi.com/
