Skena nga filmi “Hije që mbeten pas”, janë parë të ndodhin në realitet, në procesin e ish-krerëve të Burgjeve, rënë në burg për korrupsion. Bëhet fjalë për ish-zv/drejtorin, Iliaz Labi të LSI-së, i cili ka denoncuar në gjyq aferat e ish-eprorit të tij, Artur Zoto.
Dhe ashtu siç në film ku furnitori, Lame Çobani, denoncon shoferin, Idriz Braho, për ngarkesën “e humbur” të rrushit, edhe mes tyre ndodhi e njëjta gjë. Labi, në një ndjenjë faji mbi gabimin e korruptimin, rrëfeu para togave të zeza, se si drejtori e kish urdhëruar që të merrte 20 milion lekë nga një biznesmen, që më pas do e ndanin sipas një raporti në përqindje.
Më saktë, Labi i tha gjykatës se Zoto i kishte kërkuar të fliste me një biznesmen për tenderin e ushqimeve që do të zhvillohej për burgjet, ndërsa ai vetë kërkonte 20 për qind të shumës.
Labi tha më tej se biznesmeni Shemsi Sinani i kishte dhënë 20 milionë lekë të cilat ia kishte dorëzuar Artur Zotos, duke shtuar se edhe ai duhet të merrte pjesën e tij, por që Zoto nuk ia kishte dhënë. Zoto ka kundërshtuar, tamam si në film, por ish-vartësi i tij lësëist, Iljaz Labi këmbënguli se nuk kishte turp të tregonte gabimin për të cilin, siç tha, është gati të mbajë përgjegjësitë. /tesheshi.com/
