Hije të asaj çfarë ndodhi në Kakavijë afro 10 ditë më parë, janë shfaqur këtë fundjavë në Kapshticë. Kuota e kufizuar e 300 personave në 24 orë, të cilët duhet të kalojnë në anën greke, një masë COVID e vendosur nga Athina, bashkangjitur tamponit brenda 72 orësh, kanë sjellë një ngërç në vijueshmërinë normale të kalimit.
Për pasojë, janë shfaqur radhët e gjata para traut të doganës nga ana shqiptare, sigurisht dhe irritimi i atyre që presin me kryefjalën ankuese se “s’ka shtet”.
Ata kërkojnë që pala shqiptare të flaës me atë greke për të zhbllokuar situatën, por Tirana zyrtare, siç në rastin me Kakavijën, thotë se nuk mund t’i diktojë Athinës masat anti-COVID, edhe nëse i duken të paarsyeshme. /tesheshi.com/
