Çështja e Ballist Morinës, shqiptarit bujëmadh që mban ndezur vrundujt patriotikë në tifozerisë kuq e zi, ka shkuar gjer në Davos.
Ka qenë kryeministri Rama ai që në një takim me homologun e tij kroat, Andrej Plenkoviç, ka shfaqur shqetësimin për fatin e tij.
Sipas njoftimit të zyrës së shtypit në Kryeministri, Rama ka kërkuar një vendimmarrje të drejtë dhe të ndershme nga ana e autoriteteve kroate, e nga Plenkoviç është siguruar se rasti i Ballist Morinës do të trajtohet me kujdesin maksimal dhe në respekt të legjislacionit dhe konventave ndërkombëtare.
Prej kohësh, Ballisti i famshëm i dronit mbi Beograd, mbahet i arrestuar nga autoritetet kroate, nën presionin e Beogradit për ta ekstraduar drejt Serbisë për gjykim. Vetë Ballisti, familja dhe ithtarët e tij, nuk e duan të ndodhë ky ekstradim nga frika e një hakmarrjeje serbe. /tesheshi.com/
