Pandemia koronare do të jetë një çështje kryesore në axhendën e Bashkimit Evropian kur Gjermania të marrë presidencën e rradhës në gjysmën e dytë të vitit, tha Ministri i Jashtëm gjerman Heiko Maas.
Në një koment për gazetën Die Welt, ai foli hapur për zgjidhjen globale të krizës, duke kritikuar Shtetet e Bashkuara për ngadalësinë dhe Kinën për autoritarizëm.
Pandemia është përhapur në 214 vende, duke infektuar 1.8 milion njerëz dhe duke vrarë më shumë se 110,000, raporton Reuters.
“Ne do të bëjmë një presidencë të Corona-s për të kapërcyer atë dhe pasojat e saj,” shkroi Maas.
Gjermania do të marrë presidencën e Unionit më 1 korrik.
Ulja graduale dhe e koordinuar e kufizimeve të udhëtimit do të jetë një nga detyrat e para “kur jemi jashtë rrezikut”, shkroi Ministri i Jashtëm gjerman.
Blloku duhet të nxjerrë mësime nga kriza, të tilla si përmirësimi i mbrojtjes civile të BE-së dhe prokurimi i përbashkët dhe prodhimi i ilaçeve, tha Maas.
Ai gjithashtu duhet të “korrigjojë gabimet” që janë shfaqur në krizë, theksoi ai, duke paralajmëruar kufizimet e demokracisë dhe sundimit të ligjit “nën maskën e luftimit të Corona-s, të cilat janë të papranueshme në Evropë”. /tesheshi.com/
