Dora e Xavi Alonsos ka qenë shumë “e lehtë” në shortin që i caktoi ish skuadrës së tij, Bayern Munich, në Champions League.
Por rezultoi plumb e rëndë për Realin e Madridit, skuadrën që e lancoi në këtë kompeticion. Shorti i hedhur në Nyon, ka dhënë 2 përballje “titanësh, siç janë duelet Real-PSG dhe Chelsea-Barcelona.
Thënë ndryshe, dy prej këtyre 4 skuadrave, e shuajnë që në turin eleminator, ëndrën për trofeun më prestigjoz europian, të klubeve.
Në përballjet e tjera, Juventusi nuk do ta ketë thjesht “shëtitje” me Totenham, ndërsa Manchester United do të kërkojë të ecë më tej, duke kaluar nga Sevilla. Liverpool-Porto e Roma-Shakhtar krijojnë ekuilibër në gjykimin për favoriten përkatëse, ndërsa konsiderohen më të lehta, përballjet e Manchester City me Basilea dhe Bayern Munich-Besiktas.
Ndeshjet e para do të luhen në 13 shkurt e 21 shkurt, ndërsa ato të kthimit në 7 dhe 21 mars. /tesheshi.com/
