Policia italiane arrestoi dy shqiptarë me akuzën e përfshirjes në një grup që shpërndante heroinën.
Megjithëse të dy të arrestuarit tentuan ti shpëtojnë prangave, nuk ia arritën qëllimit.
Të arrestuarit janë Francesko Xhepa, 23 vjeç dhe Enert Çollaku, 26 vjeç.
Ata ishin denoncuar nga banorë të zonës për veprimtarinë që kryenin, ndërsa policia italiane kishte nisur hetimet dhe gjurmimin.
Më në fund, agjentët kishin arritur të binin në gjurmët e tyre, të cilët u panë pranë një qebaptoreje në afërsi të urës mbi Krostolo.
Në momentin, kur policia ka nisur aksionin për arrestimin, 23-vjeçari është hedhur nga ura. Ndërsa 26-vjeçari, është larguar nga vendi i ngjarjes.
Për momentin ata menduan se shpëtuan, por të nesërmen policia italiane arriti ti arrestojë.
Në banesën e tyre, agjentët e policisë gjetën doza kokaine dhe disa qindra euro. Mediat italiane bëjnë me dije se nëse sasia e kokainës do të dilte në treg, shqiptarët do të përfitonin 6 mijë euro. /tesheshi.com/
