Kreu i grupit të Hezbollahut, Hassan Nasrallah tha sse sulmi iranian ndaj dy bazave ushtarake amerikane në Irak ishte vetëm fillimi i hakmarrjes, e kjo sepse SHBA vrau gjeneralin iranian Qassem Soleimani.
Ai i përshkroi sulmet me raketa balistike si një shuplakë ndaj Uashingtonit me qëllim dërgimin e një mesazhi.
Një sulm i tillë, tha ai, është vetëm hapi i parë drejt asaj rruge, e cila do të sigurojë tërheqjen e ushtrisë amerikane nga rajoni.
“Amerikanët duhet të lëvizin bazat e tyre, ushtarët, anijet dhe oficerët nga rajoni ynë. Ne po flasim për fillimin e fazës, për një luftë të re dhe për një epokë të re në rajon,” tha ai.
Nasrallah vlerësoi Soleimanin për mbështetjen që ai i jepte Hezbollahut, duke shtuar se bota ishte një vend tjetër pas vdekjes së tij, një vend më pak i sigurt.
Hezbollah raportohet të jetë një nga aleatët kryesorë të Iranit në rajon dhe “armiku i betuar” i Izraelit me të cilin ka konflikte të shumta. /tesheshi.com/
