Kanë kaluar disa muaj nga vdekja e legjendarit Diego Armando Maradona, por hetimi ende është duke vazhduar, nën dyshimet se nuk u trajtua si duhet, gjë e që pagoi me humbje jete.
Sot, ESPN raporton se tre persona të tjerë po hetohen: një infermiere, një punëtor mjekësor dhe një psikolog.
Maradona vdiq në moshën 60 vjeç nga një sulm në zemër më 25 nëntor 2020, dy javë pasi u lëshua nga një spital në Buenos Aires pas një operacioni të suksesshëm në tru.
Operacioni u krye nga mjeku i tij Leopoldo Luque, i cili tashmë është përballur me akuza të rënda, ndërsa u trajtua nga psikologu Carlos Dia.
Ata që po hetohen tashmë janë: infermierja Dagiana Gisela Madrid dhe punëtori mjekësor Ricardo Almiron.
ESPN deklaron se vajzat më të mëdha të Maradonës Dalma dhe Giannina po kërkojnë që drejtësia të vendosë për këtë rast.
Kishte raporte në mediat lokale që Maradona nuk mori kujdesin e duhur mjekësor që i duhej pas operacionit dhe se shoqëruesit e tij e furnizuan atë me alkool dhe marijuanë.
Por autopsia e Maradonës zbuloi se ai nuk kishte alkool ose lëndë narkotike në trupin e tij në kohën e vdekjes. /tesheshi.com/
