Presidenti Donald Trump po hetohet nga këshilltari special, Robert Mueller për pengim të mundshëm të Drejtësisë. Kështu raportojnë mediat amerikane sipas të cilave zyrtarë të lartë të shërbimeve secrete do të merren në pyetje në lidhje me faktin nëse Trump është përpjekur t’i japë fund hetimit për këshilltarin e shkarkuar të sigurisë kombëtare dhe për shkarkimin e shefit të FBI-së, James Comey.
Mueller drejton hetimin e FBI-së në lidhje me ndërhyrjen ruse në fushatën presidenciale. Presidenti amerikan e ka mohuar në mënyrë të përsëritur çdo ndërlidhje me Rusinë. Këtë të enjte ai e përshkroi hetimin e ri si një “gjueti shtrigash” drejtuar nga disa persona shumë të këqinj dhe konfliktualë. /tesheshi.com/
