Një hetim i pavarur i OKB-së zbuloi se Izraeli kreu krime kundër njerëzimit gjatë luftës së Gazës, duke përfshirë krimin e “shfarosjes”.
“Krimet kundër njerëzimit, duke përfshirë shfarosjen; persekutim që synon burrat dhe djemtë palestinezë; zhvendosje e detyruar; tortura dhe trajtim çnjerëzor dhe mizor”, tha Komisioni Hetimor në një raport që do t’i paraqitet Këshillit të Kombeve të Bashkuara për të Drejtat e Njeriut javën e ardhshme.
Konkluzionet e paraqitura në këtë raport rrjedhin nga dy raporte paralele; njëri u fokusua në sulmet e Hamasit të 7 tetorit dhe tjetri në reagimin ushtarak izraelit të raportuar nga Komisioni Hetimor i OKB-së (COI).
Izraeli nuk po bashkëpunon me Komisionin, për të cilin thotë se është “anti-izraelit”. COI tha se Izraeli po pengonte punën e tij dhe po i pengonte hetuesit të hynin në Izrael dhe territoret e pushtuara palestineze.
https://twitter.com/i/status/1800621394742358046
Al Jazeera ka siguruar pamjet që tregojnë Izraelin duke e kthyer një plazh në Gaza në një terren vrasës për njerëzit e zhvendosur përmes ekzekutimeve në terren nga ushtarët izraelitë ndaj civilëve palestinezë të paarmatosur ndërsa ata kalonin në Gazën veriore përmes rrugës bregdetare Rashid.
https://youtu.be/XKtxXFOGiIs
Në video shihet se ushtria okupatore i ka lënë trupat e shtrirë në breg të detit dhe i ka penguar t’i varrosin. /tesheshi.com/
