Një komitet i Parlamentit Britanik ka hapur një hetim mbi pushimet luksoze të Kryeministrit Boris Johnson në Karaibe për të përcaktuar se kush e financoi atë, raportoi shtypi britanik të dielën.
Sipas The Observer, komiteti i Dhomës së Komunave po mbikëqyr hetimin e Parlamentit në fillim të kësaj jave, raporton Hina.
Johnson dhe e fejuarja e tij, Carrie Symonds, të cilët njoftuan se do të bëhen prindër në fund të shkurtit, kaluan pushimet e Vitit të Ri në ishullin privat të Moustique, në Grenadinet e Karaibeve.
Në një deklaratë për të parandaluar konfliktin e interesit si ligjvënës, kryeministri tha se pushimet ia paguante sipërmarrësi David Ross, një donator i Partisë Konservatore, në shumën prej 17.300 euro.
Por Ross bëri një gabim kur fillimisht mohoi t’i ketë dhënë shumën Johnsonin, dhe më vonë, përmes zëdhënësit të tij, tha që ishte pagesë “në natyrë”.
Partia Laburiste, forca kryesore e opozitës, i bëri thirrje komitetit të hapë një hetim.
Downing Street, i cili më parë vuri në dukje se gjithçka ishte thënë në deklaratë, nuk pranoi të komentojë rastin. /tesheshi.com/
