UNESCO paralajmëroi të premten se në të gjithë botën, numri i nxwnwsve që nuk arritën të përvetësojnë disa aftësi themelore, të tilla si leximi, që pritet për moshën e tyre, u rrit me 20 përqind në vitin 2020 për shkak të mbylljes së pjesshme të shkollave të lidhura me pandeminë COVID-19.
Numri i fëmijëve me vështirësi në të lexuar u rrit me më shumë se 20 përqind vitin e kaluar, duke “prishur kështu përparimin e madh të bërë në dy dekadat e fundit”, sipas një raporti nga institucioni i KB, i cili paralajmëron një “katastrofë gjeneratash” të ndodhur si një rezultat i pandemisë.
Ky tregues kryesor vlerëson aftësitë e leximit çdo vit midis studentëve që marrin gradë CE1 dhe CE2 në vendet frankofone ose 2 dhe 3 në vendet anglo-saksone.
Eshtë një njohuri themelore, e cila, nëse nuk është solide, mund të ngadalësojë arsimimin e një nxënësi në planin afatgjatë.
UNESCO frikësohet se e gjithë dekada mund të prishet nga kriza pandemike dhe bën thirrje për “përpjekje të jashtëzakonshme për të mbajtur klasat”.
“Kriza ka treguar shkallën në të cilën arsimi është një e mirë publike globale që duhet të mbrohet”, tha Audrey Azoulay, Drejtori i Përgjithshëm i UNESCO-s, për AFP përpara një takimi të ministrave të arsimit nga e gjithë bota të hënën.
Por raporti ankohet se “65 përqind e qeverive me të ardhura të ulëta kanë ulur fondet për arsimin, krahasuar me 35 përqind në vendet me të ardhura të larta”.
Prandaj, studentët nga Amerika Latine dhe Karaibet dhe Azia Qendrore dhe Jugore pritet të ndiejnë humbjen më së shumti.
Shkollat janë ende të mbyllura plotësisht në rreth 30 vende, përfshirë Meksikën, Hungarinë dhe Arabinë Saudite.
Shumica e vendeve kanë zgjedhur hapjen e pjesshme të shkollave, të tilla si Shtetet e Bashkuara, ku prindërit e zemëruar kanë organizuar protesta që nga fillimi i vitit.
Shkollat janë të hapura gjatë gjithë kohës në pak më shumë se gjysmën e vendeve të botës (107 vende), kryesisht në Afrikë, Azi dhe Evropë. /tesheshi.com/
saranda
e dashur qytetare te Qarkut Vlore ,
