Ndërsa reagimet dhe tensionet për ndërtimin e murit në veri të Mitrovicës shtohen dita-ditës qeveria “Mustafa” vazhdon të heshtë duke mos marrë asnjë veprim për rrënimin e tij, edhe pse ka gati një javë që ka dhënë premtimin se muri do të shembet.
Të mllefosur me mos reagimin e institucioneve, sot rreth 100 veteranë të Ushtrisë Çlirimtare të Kosovës (UÇK) janë mbledhur tek ura kryesore e Ibrit, në shenjë kundërshtimi të ndërtimit të murit në Mitrovicë.
Menjëherë në vendngjarje janë shfaqur forca të policisë së Kosovës dhe nuk po lejojnë që veteranët t’i afrohen murit.
Ndërkohë, është arritur një marrëveshje që vetëm katër përfaqësues të veteranëve të afrohen tek muri.
Ky mllef i veteranëve të UÇK-së është një sinjal i qartë se nëse nuk rrënohet muri situata mund të tensionohet dhe të ekzaltojë lehtë në trazira në veri, gjë që nuk do ta dëshironte askush./tesheshi.com/
