Një sulm në një bar në Coatzacoalcos të Meksikës ka lënë të pajetë 23 persona dhe 13 të plagosur. Sulmuesit vunë zjarr që depërtoi nëpër bar, duke privuar nga jeta tetë gra dhe 15 burra.
Fotografitë e publikuara nga mediat e huaja shfaqin karrige dhe tavolina të përmbysura, në përpjeke për të shpëtuar. Zyra e prokurorit të shtetit të Veracruz tha që kërkimi për sulmuesit ishte duke vazhduar, ndersa guvernatori pohoi se ngjarja lidhej me një mosmarrëveshje mes bandash.
Policia e Shtetit e identifikoi vendin e ngjarjes si Bar Caballo Blanco, i cili ndodhej në një pjesë shumë të frekuentuar të qytetit. Zjarri mund të ketë filluar me kokteje molotovi.
Ngjarja na kujton atë të pothuajse tetë vjet më parë kur nga zjarri në një kazino në Monterrey pesuan 52 jetë njerëzish. Karteli i drogës Zetas pranoi se kishte organizuar atë për të zbatuar kërkesat për pagesa.
Ngjarja e fundit, së bashku me eliminimin e 19 personave në qytetin perëndimor të Uruapan në fillim të këtij muaji, mund të ringjallë frikën e dhunës teatrale kundër drogës gjatë viteve 2006-2012. /tesheshi.com/
