Brigadat Al-Qassam, krahu ushtarak i Hamasit, njoftuan së fundi se komandanti i tyre ushtarak Mohammad Deif u vra në një sulm izraelit në mesin e korrikut të vitit të kaluar.
Ishte ushtria izraelite që njoftoi në gusht të vitit të kaluar se kishte vrarë Deifin më 13 korrik në një sulm ajror në Al-Mawasi, në perëndim të Khan Younis, në Rripin jugor të Gazës.
Zëdhënësi i Brigadave Qassam Abu Ubaida tha se gjashtë komandantë të tjerë të Al-Qassam u vranë së bashku me Deif.
Midis të vrarëve ishin zëvendësi i tij Marwan Issa dhe komandantët e lartë Ghazi Abu Tamah, Raed Thabit, Rafi Salama, Ahmad Ghundour dhe Ayman Nofal.
Mohammed Deif ishte një nga themeluesit e krahut ushtarak të Hamasit, Brigadave Qassam, në vitet 1990 dhe e drejtoi atë forcë për më shumë se 20 vjet.
Deif ka qenë në krye të listës të shënjestrave të Izraelit për dekada të tëra, duke u mbijetuar më shumë se shtatë tentativave për vrasje gjatë dekadave të fundit.
Për Izraelin, Mohammed Deif ishte luftëtari më i rrezikshëm palestinez. Sionistët e quanin atë “njeriu me nëntë jetë” ose “njeriu i vdekjes”.
Mohammed Deif besohet të jetë shkaku që Brigadat Qassam u bënë një organizatë shumë e fortë ushtarake. Atij madje i atrobuohet rrjetit i tuneleve të grupit dhe ekspertiz në prodhimin artisanal të bombave.
Në gusht të vitit 2014, gruaja dhe djali shtatë muajsh i Deif u vranë në një sulm ajror izraelit në shtëpinë në Gaza ku po qëndronte familja.
Sipas raportimeve, Deif humbi një sy dhe pësoi lëndime të rënda në njërën nga këmbët e tij në një nga atentatet izraelite.
Mbijetesa e tij gjatë udhëheqjes së krahut të armatosur të Hamasit e ktheu atë në një hero popullor mes palestinezëve. /tesheshi.com/
