Ish-mbrojtësi i Liverpool-it, John Arne Riise, kërkon edhe një mundësi për t’u rikthyer sërish në kampionatin anglez, megjithëse tani ka mbushur 35 vite.
Norvegjezi i cili e kishte fituar Ligën e Kampionëve me të kuqtë në vitin 2005, për momentin është duke luajtur në kampionatin indian dhe nuk e ka ndërmend të dalë në pension.
“Unë jam 35 vjeç, por në mendjen time kam vetëm 18. Sidoqoftë, vitet janë vetëm numra. Mundem të luajë deri në moshën 40-vjeçare. Kam një ofertë nga Norvegjia dhe mendoj se do të rikthehem në vendlindje”, theksoi fillimisht Riise.
Ndërkohë, mbrojtësi i krahut të majtë nuk e përjashton mundësinë e rikthimit në kampionatin anglez, aty dhe ku kaloi pjesën më të madhe të karrierës.
“Unë shikoj shumë lojtarë të cilët janë në nivelin tim dhe luajnë në Premier Ligë, ndaj dhe një rikthim në Angli do të ishte shumë i mundur”, përfundoi Riise. /tesheshi.com/
