Punëtorët që riparonin tubacionet e kanalizimeve në një park në Romë gjetën një statujë mermeri të Herkulit nga koha romake.
Vepra, që daton në vitet perandorake (27 p.e.s. – 476 pas Krishtit) u gjet afër miljes së dytë të Rrugës Apiane, rruga që lidhte Romën me portin në Brindizi, Brindizi i sotëm.
Ishte një surprizë e madhe gjetja e kësaj vepre për arkeologët, të cilët nuk e kishin të vështirë ta identifikonin atë falë shkopit dhe luanit në kokë.
Zbulimi, raporton Guardian, është bërë gjatë riparimit të kanalizimeve të dëmtuara. Punëtorëve iu desh të gërmojnë deri në një thellësi prej 20 metrash, të shoqëruar nga arkeologë.
Nëntorin e kaluar, arkeologët italianë njoftuan një tjetër gjetje befasuese. Bëhej fjalë për 24 statuja bronzi, 2300 vjeçare, të cilat ishin mbrojtur prej shekujsh në një zonë banje.
Kujtojmë se një ndër filmat e famshëm që pëlqenin shqiptarët në kohën e komunizmit, me temë nga antikiteti, ishte “Herkuli kundër Romës”. /tesheshi.com/
