Hera e parë: Saudi e Izrael, “krapërkrah” ushtarakisht

Izraeli po merr pjesë në një stërvitje të madhe detare të udhëhequr nga SHBA në Lindjen e Mesme, duke iu bashkuar për herë të parë Arabisë Saudite dhe Omanit, vende me të cilat nuk ka marrëdhënie diplomatike pavarësisht normalizimit të marrëdhënieve me disa shtete të Gjirit.

Stërvitja Ndërkombëtare Detare 2022 (IMX 22) përfshin afërsisht 60 vende dhe vjen në një kohë të tensioneve të rritura në Gjirin Persik, pas sulmeve me raketa në Emiratet e Bashkuara Arabe nga lëvizja rebele jemenase Huthi e mbështetur nga Irani dhe një sulmi të penguar në një bazë amerikane.

Izraeli normalizoi marrëdhëniet me shtetet e Gjirit, Emiratet e Bashkuara Arabe dhe Bahreinin në vitin 2020, me të cilët ndan shqetësime të përbashkëta për Iranin, dhe mbajti një stërvitje të përbashkët detare me të dy vendet për herë të parë në nëntor.

Pa Katarin dhe Kuvajtin

Megjithatë, kjo është hera e parë që Izraeli merr pjesë në stërvitjen IMX, së bashku me Arabinë Saudite, me të cilën nuk ka lidhje diplomatike, ndërsa Kuvajti dhe Katari, të cilët gjithashtu nuk kanë marrëdhënie formale me Izraelin, sipas marinës amerikane, nuk marrin pjesë.

Stërvitja detare IMX 22, në vitin e saj të shtatë, filloi të hënën nga baza e Flotës së Pestë të SHBA në Bahrein dhe mbulon Gjirin, Detin Arabik, Gjirin e Omanit, Detin e Kuq dhe Oqeanin Indian verior, sipas Reuters. /tesheshi.com/