Për herë të parë në Spanjë, një pacient i është kryer transplanti i mushkërive duke përdorur kirurgji robotike.
Operacioni është kryer në spitalin Vall d’Hebron në Barcelonë.
Është thënë se transplanti i mushkërive është kryer me sukses përmes një prerjeje të vogël pa dëmtuar brinjët, operacion i kryer tërësisht nga një robot.
Mësohet se operacioni, i cili u krye në fund të shkurtit, zgjati pesë orë.
Albert Jauregui, kreu i departamentit të sëmundjeve pulmonare të spitalit, tha se një operacion i ngjashëm ishte bërë deri më tani në Spitalin Mount Sinai në New York, por operacioni robotik u përdor pjesërisht atje.
👨⚕️ 🩺 Realizan el primer trasplante pulmonar robótico del mundo en el hospital Vall d'Hebron
Esta innovadora técnica representa un antes y un después en el trasplante pulmonar, pues es mucho más precisa y favorece a una mejor recuperación del paciente
👉https://t.co/0p6nwta44G pic.twitter.com/vJkAZC5ZlG
— La Vanguardia (@LaVanguardia) April 17, 2023
Ai deklaroi se kirurgjia robotike në Vall d’Hebron është një pionier dhe një moment historik në avancimin e kësaj teknike në nivel ndërkombëtar.
Jauregui tha se transplantimi i mushkërive është një operacion i vështirë sepse duhet bërë një prerje e madhe në gjoks dhe brinjët duhet të thyhen për të hyrë në organ.
Ai tha se falë teknikës së re, operacioni robotik mund të kryhet pa një prerje të tillë në gjoks dhe pa dëmtuar brinjët.
Fita històrica: #VallHebron ha realitzat el primer trasplantament pulmonar completament robòtic del món amb una nova via d’accés a la part inferior de l’estèrnum per on treure els pulmons i introduir-hi els nous, amb una incisió de només vuit centímetres.https://t.co/pTAsV96Arc pic.twitter.com/OY8PNEU43n
— Vall d'Hebron (@vallhebron) April 17, 2023
Jauregui deklaroi gjithashtu se “në sajë të teknikës së re, kujdesi intensiv pas operacionit, qëndrimi në spital dhe dhimbjet janë reduktuar”.
Xavier, pacienti 65-vjeçar i cili iu nënshtrua një transplanti të mushkërive robotike, theksoi se ishte shumë i kënaqur me rezultatin dhe se nuk ndjente dhimbje në periudhën pas operacionit dhe falënderoi mjekët dhe familjen e donatorit. /tesheshi.com/
