Për herë të parë në historinë daneze, dy persona janë akuzuar për trajtim të papërshtatshëm të një shkrimi fetar pasi dyshohet se kanë mosrespektuar Kur’anin, njoftuan prokurorët të premten.
“Prokurori publik në Kopenhagë ka hapur rastin e parë të shkeljes së nenit 110e(2) të Kodit Penal Danez për trajtimin e papërshtatshëm të shkrimeve fetare”, tha zyra e prokurorit në një deklaratë.
Akuzat vijnë pasi ministri danez i Drejtësisë miratoi një rekomandim për të vazhduar me çështjen, shtohet deklarata.
Sipas prokurorëve, ngjarja e dyshuar ka ndodhur më 15 qershor 2024, gjatë Festivalit Folklorik në ishullin Bornholm. Të dyshuarit dyshohet se përdhosën Kur’anin në tendë, qoftë publikisht ose me qëllimin për ta ndarë aktin me një audiencë më të gjerë.
“Vlerësojmë se në lidhje me ngjarjen gjatë Festivalit Kombëtar ka pasur trajtim të papërshtatshëm të Kur’anit dhe se kjo ka ndodhur në publik, sepse ka qenë i pranishëm një numër i madh njerëzish dhe është përhapur në një rreth më të gjerë duke u incizuar dhe transmetuar live në Facebook”, thuhet në deklaratë.
Prokurorja publike Lise-Lotte Nilas konfirmoi se për të dyshuarit është kërkuar gjobë.
Çështja është dorëzuar në Gjykatën e Bornholmit, por ende nuk është caktuar data e gjykimit. /tesheshi.com/
