Një ndërhyrje e jashtëzakonshme ka ndodhur në Teksas, ku kirurgët e Houston Methodist Hospital dhe të University of Texas MD Anderson Cancer Center, kanë arritur të transplantojnë me sukses, për herë të parë në histori, lëkurën e kokës dhe kafkën e një njeriu, gjatë transplanti të shumëfishtë në veshka dhe pankreas.
Protagonist i kësaj ‘maratone’ kirurgjike është 55 vjeçari James Boysen, i cili, sipas mjekëve është i pari person në botë që i është nënshtruar një operacioni të tillë.
Ai vuante nga një tumor i rrallë, i cili e kishte shpërfytyruar. “Ka qenë një udhëtim i gjatë dhe u jam shumë mirënjohës të gijthë mjekëve që kanë ndjekur transplantet e mia”,- është shprehur Boysen.
55 vjeçari ka shtuar: “Jam habitur nga mënyra se si ndihem dhe do të jem në gjendje të vijoj të bëj gjërat që dua e të qëndroj me personat që kam përzemër”. Ndërhyrja, e cila zgjati 15 orë, ishte studiuar rreth 4 vite më parë dhe është ndjekur në Houston nga një ekip mjekësh të drejtuar nga Jesse C. Selber e Osama Gaber më 22 maj, rreth 20 orë pas lajmit të gjetjes së organeve. /tesheshi.com/
