Për herë të parë qyshse u shfaq në politikë, Sali Berisha është shfaqur si i djathtë. Mishërim i cinizmit më të madh politik në pluralizmin shqiptar, duke drejtuar një parti kinse anti-komuniste, ai dhe PD-ja e tij vetëm të djathtë nuk ka qenë. Vetë ai, me prejardhje sociale të majtë si jo nga derë fisnike, jo nga derë pronarësh, jo nga derë anti-komunistësh, pa asnjë histori personale disidence apo persekutimi komunist por përkundër kësaj ka një histori protagonizmi në ish-partinë e Encer Hoxhës si komunist, as nuk ka ndjekur politika të djathta e as nuk ka rrezatuar ndonjë djathtizëm qoftë dhe në ligjërimin politik.
Por së fundi, si një kameleon politik i rëndomtë, për herë të parë është shprehur kundër politikave liberale që cënojnë traditën familjare e atë shoqërore; pra kundër axhendave të lirisë seksuale, më saktë kundër “prindit 1” e “prindit 2”, si mundësi për t’u përfshirë në kurrikulat arsimore.
Duke marrë jo thjesht inspirim nga Trumpi, por dhe duke tentuar ta joshë adminstratën e re amerikane në tentativën për t’ju hequr xanxa politike “non grata”, a më tepër dhe për t’u ringjitur në pushtet, ai deklaroi:
“Ne kemi përgatitur një ligj që dorëzojmë sot, me të cilin sanksionojmë se Republika e Shqipërisë njeh dy gjini, ato që i ka bërë Zoti, mashkull dhe femër.
Ligji tjetër me dënim ai që flet për Prindin 1 dhe Prindin 2. Do ketë sanksione”.
Kujtojmë se Berisha e PD, në 34 vjet nuk kanë asnjë qëndrim publik apo dekaratë kundër LGBT-ve dhe axhendave të tyre.
Edhe kur u përfol “prindi 1” e “prindi 2”, prej tyre nuk u mbajt asnjë qëndrim. Ndrësa për të kundërshtuar paradat e përvitshme në Tiranë të dylberizmit njerëzor, as aq është bërë fjalë. /tesheshi.com/
