Ndryshe nga ashpërsia amerikane, BE është treguar “mirëkuptuese” ndaj vendimit të Albin Kurtit për tërheqje të pjesshme dhe me kushte të taksës ndaj Serbisë.“Ky hap mund të këtë një efekt pozitiv në rivendosjen e tregtisë rajonale dhe rifillimin e dialogut ndërmjet Beogradit dhe Prishtinës të lehtësuar nga Bashkimi Europian.
Ka humbur shumë kohë. Besimi duhet të rikthehet urgjentisht. Serbia dhe Kosova duhet të krijojnë një mjedis të favorshëm për dialog – në dobi të të dyja palëve.
Përfaqësuesi i Lartë i BE-së, Josep Borrell është i gatshëm ta luajë rolin e tij si një ndërmjetësues i BE-së në dialog”, tha zëdhënësi Peter Stano.
Ndërsa nga Uashingtoni u reagua rrufeshëm e me zhgënjim nga vendimi i Kurtit. I dërguari Grenell tha se taksa duhet të hiqet e plotë dhe menjëherë. /tesheshi.com/
