Kreu demokrat Basha ka vijuar të denoncojë heqjen e ndihmës ekonomike për shumë familje shqiptare sipas skemës së re të qeverisë. Ai renditi raste, edhe ilustruar me foto, duke thënë “se iu është hequr buka e gojës” qindra njerëzve. Këtë, lideri i opozitës e bëri duke e kombinuar dhe me akuza të llojit tjetër karshi kreut të qeverisë.
“Ti je mbështetësi më i madh i dembelizmit dhe klientelizmit në Shqipëri. Ka bërë kontrata për miqtë duke u dhënë miliona pa punuar fare, ndërsa të varfrit iu merr shpirtin dhe i quan shqiptarët dembelë. Ekonomia është përqëndruar në pak duar”, tha Basha.
“Hiq kufjet që vendos në parlament dhe ato që t’i kanë bllokuar veshët e sytë e t’i rikthejë ndihmën ekonomike njerëzve në nevojë të ndalë gënjeshtren për ata që ndhihmojnë për 6 %. Ai 6 % nuk mjafton për të mbuluar as 1 nga të 1000 që ke hequr nga ndihma ekonomike dhe ajo zgjat vetëm për 3 muaj”, theksoi kreu i opozitës.
Duke folur për të shkuarën kur qeverisnin demokratët, Basha bëri një tjetër akuzë:
“Reforma e nisur në 2012 tani është marrë peng nga synimi yt për të përdorur të varfërit si mish për top, me qëllim t’i blesh në zgjedhjet e ardhshme lokale. Kjo është skema politike që t’i po përdor sot”, tha Basha. /tesheshi.com/
