Diplomati dhe mendimtari i famshëm amerikan Henry Kissinger, i cili la gjurmë të pashlyeshme në politikën e jashtme amerikane, vdiq të mërkurën në moshën 100-vjeçare në shtëpinë e tij në Conecticat, njoftoi kompania konsulente Kissinger Associates.
Kissinger ishte një diplomat, mendimtar politik, konsulent gjeopolitik dhe politikan që shërbeu si Sekretar Shteti dhe Këshilltar i Sigurisë Kombëtare në administratat presidenciale të Richard Nixon dhe Gerald Ford.
Në vitin 1973, atij iu dha Çmimi Nobel për Paqe për kontributin e tij në negociatat e armëpushimit në Vietnam, i cili konsiderohet një vendim i diskutueshëm.
Duke e quajtur Kissingerin një fuqi diplomatike, Reuters shkruan se në vitet 1970, duke mbajtur postet e larta diplomatike të lartpërmendura, ai u përfshi në shumë ngjarje të rëndësishme globale dhe përveç Marrëveshjes së Paqes së Parisit me Vietnamin e Veriut, përpjekjet e tij çuan në hapjen diplomatike të Kinës, negociata të rëndësishme amerikano-sovjetike për kontrollin e armëve, si dhe zgjerimin e lidhjeve midis Izraelit dhe fqinjëve të tij arabë.
“Mbretëria e Kisingerit si arkitekti kryesor i politikës së jashtme të SHBA-së u zbeh me dorëheqjen e Nixon në 1974. Megjithatë ai vazhdoi të ishte një forcë diplomatike nën Presidentin Gerald Ford dhe të ofronte mendimet e tij për pjesën tjetër të jetës së tij,” shkroi Reuters.
Ai ishte një figurë e diskutueshme, kështu që ndërsa shumë e lavdëruan për shkëlqimin dhe përvojën e tij të gjerë, të tjerë e konsideruan atë një kriminel lufte për mbështetjen e tij ndaj diktaturave antikomuniste, veçanërisht në Amerikën Latine, duke përfshirë përpjekjet për të rrëzuar presidentin kilian marksist, por të zgjedhur në mënyrë demokratike, Salvador Allende.
Heinz Alfred Kissinger lindi në Furth të Gjermanisë më 27 maj 1923 në një familje hebreje, me të cilën u transferua në SHBA në vitin 1938, përpara fushatës naziste të shfarosjes së hebrenjve evropianë.
Ai e ndryshoi emrin në Henry, shërbeu në ushtri në Evropë në Luftën e Dytë Botërore dhe mori doktoraturën në Harëard në vitin 1954, ku punoi për shumë vite.
Pas gati një dekade në diplomacinë amerikane të nivelit të lartë, Kissinger themeloi firmën konsulente Kissinger Associates në New York në vitin 1982, e cila ofroi këshilla për elitën e korporatave botërore.
Ai ka qenë anëtar i bordeve drejtuese të kompanive dhe forumeve të ndryshme të politikës së jashtme dhe sigurisë, si dhe ka shkruar libra të shumtë në fushën e sigurisë kombëtare, diplomacisë dhe marrëdhënieve ndërkombëtare.
Kissinger ishte aktiv deri në fund të jetës së tij dhe si një person që luajti një rol kyç në normalizimin e lidhjeve midis SHBA-së dhe Kinës në vitet 1970. Ai u takua me presidentin kinez Xi Jinping në Pekin në korrik.
Për luftën mes Rusisë dhe Ukrainës, ofronte tezën e negociatave dhe jo mposhtjes me patjetër të Moskës, siç Perëndimi aktualisht e mbron këtë linjë. /tesheshi.com/
