Ka reaguar dhe PS në lidhje me rastin e helmimit të dhjetra përkrahësve të opozitës në mitingun e së shtunës, mes tyre dhe kreu Basha. Me anë të një deklarimi, selia e mazhorancës iu uron shërim të shpejtë të lënduarve dhe më tej këshillon rivalen politike:
“Partia Socialiste i uron shërim sa më të shpejtë të gjithë të lënduarve, dhe veçanërisht liderit të opozitës. Ne dëshirojmë që ai të bëjë fushatë dhe jo të flasë për konspiracion, gjë e cila tregon se në çfarë gjendje të çoroditur është Partia Demokratike”, thuhet në deklaratën e PS-së.
Po ashtu, aty theksohet se reagimi ndaj të lënduarve ka qenëe shembullor nga ana e shtetit.
“Ditën e sotshme, në orën 5:00 të mëngjesit, drejtori i përgjithshëm i Qendrës Spitalore Universitare të Tiranës ishte pranë njerëzve që kërkuan ndihmë për simptomat e shfaqura. Gjysëm ore më vonë, drejtori i përgjithshëm i policisë urdhëroi sigurimin e hapësirës publike ku u zhvillua aktiviteti i mbrëmjes së djeshme dhe hetimet vazhdojnë ende. Pra, institucionet po punojnë dhe të gjithë autoritetet përkatëse ishte gati për të ofruar ndihmesën e vet”, thotë ndër të tjera PS. /tesheshi.com/
