Shefi i laboratorit të mbrojtjes, në Britani, “Porton Doën” ka njoftuar se ende nuk dihet burimi i saktë i agjentit nervor që është përdorur për helmimin e ish-spiunit rus, Sergei Skripal dhe vajzës së tij Julia.
Institucioni kërkimor që ka identifikuar substancën në Sallsbëri si Noviçok, ka thënë se me shumë gjasa, agjenti nervor është vendosur nga një “subjekt shtetëror”.
Shefi ekzekutiv, Gary Aitkenhead ka hedhur poshtë akuzat se agjenti nervor të ketë ardhur nga ndonjë laborator ushtarak në Britani.
Moska në anën tjetër kundërshton çdo përfshirje në helmimin e Skripalëve.
“Ne nuk kemi identifikuar burimin e saktë, mirëpo kemi ofruar të dhëna shkencore te qeveria, të cilat janë përdorur së bashku me të dhëna të tjera për të arritur deri te përfundimet”, ka thënë Aitkenhead për “Sky News”. /tesheshi.com/
