Sekretari amerikan i Shtetit Mike Pompeo tha se ekziston një “probabilitet i lartë” që helmimi i udhëheqësit të opozitës ruse Alexei Navalny të jetë urdhëruar nga zyrtarë të lartë në Moskë.
“Unë mendoj se njerëzit në të gjithë botën do të kuptojnë atë që ka ndodhurl; do të shohin se sa përpjekje është bërë për të helmuar disidentët. Ata do të kuptojnë se ka një probabilitet të lartë që pas kësaj të jetë Rusia,” tha Pompeo.
Ai shtoi se Shtetet e Bashkuara janë ende duke shqyrtuar se si të përgjigjen.
NATO dhe Gjermania pretendojnë se ka “prova të pakundërshtueshme” që Navalny u helmua nga helmi nervor “Novichok”, me prejardhja nga ish-regjimi sovjetik.
Por Deklarata e Pompeos bie në kundërshtim me Presidentin Donald Trump, i cili refuzoi të dënonte Moskën për çështjen “Navalny”.
Navalny u transferua në Gjermani për mjekim pasi u sëmur muajin e kaluar në një fluturim nga Siberia në Moskë.
Ai doli nga një gjendje kome e induktuar dhe mjekët në Spitalin Charite të Berlinit thonë se ai u përgjigjet stimujve verbalë, por është shumë herët të thuhet nëse do të ketë ndonjë pasojë afatgjatë. /tesheshi.com/
