Një ngjarje e pazakontë ka ndodhur në gjimnazin “Janaq Kilica” në Fier, ku dhjetra nxënës janë helmuar nga një lëndë kimike në trajtë spray hedhur nga një sosh prej tyre, i cili tashmë po merret në pyetje nga prokurorët.
Bëhet fjalë për “peper spray”, një lëndë që përdoret nga policia në raste ballafimi me protestues të dhunshëm. E njëjta gjë ndodhi dhe ditë më parë në të njëjtin gjimnaz, por kësaj here në përmasa më të mëdha.
Ndonëse nuk ka rrezik për jetën, helmimi ka sjellë kaos dhe një ka dhënë ndjësinë e një zhvillimi në kufijtë e dramatikës.
Me dhjetra ambulanca janë dyndur në shkollë për të marrë nxënës të alivanosur për lëndës helmuese, dukë bërë që dhe Urgjenca e qytetit të jetë sunduar nga familjarët dhe ankthi i tyre.
Në njoftim parapral të policisë thuhet”
“Sot rreth orës 11:10, në spitalin Rajonal Fier kanë shkuar për kontroll mjekësor disa nxënës të një shkolle të mesme që kanë pasur probleme me frymëmarrjen. Menjëherë në vendngjarje kanë shkuar shërbimet e Policisë dhe grupi hetimor dhe nga veprimet e para të kryera në bashkëpunim të ngushtë me Prokurorinë Fier, Drejtorinë Arsimore dhe Drejtorinë e Shkollës, paraprakisht dyshohet se është përdorur spraj piperi nga një nxënës i kësaj shkolle. Grupi hetimor nën drejtimin e Prokurorisë vijon veprimet për të zbardhjen e plotë të kësaj ngjarje”.
Ndërkohë, një prind rrëfeu për A1 Report, se si e morri vesh ngjarjen. ”
“Kam gocën në vit të parë këtu. Po pija kafe dhe pashë lajmin. Kishte marrje mendsh dhe nuk e çuam në spital. Është hera e dytë që ndodh e njëjta gjë. Në rastin e parë vajza tha se kishte vetëm marrje mendsh. Diskutohet që është lëndë kimike. Unë kur erdha para 10 minutash vinte një erë shumë e rëndë. Ende ndihet por tani u ambientuam. Vajzën e çova në shtëpi dhe i kam dhënë ujë me sheqer”, tha ai.
Sipas informacioneve më të fundit, shkaktar është një nxënës i cili e ka lëshuar spay-n për të bërë shaka. /tesheshi.com/
