Kryeministrja britanike, Theresa May i ka përcjellë një ultimatum Moskës që brenda 24 orësh të sqarojë të vërtetën e helmimit të ish-agjentit Sergei Skripal, ngjarje e ndodhur pak ditë më parë në Salisbury.
Shefja e qeverisë britanike, duke folur për këtë rast para prlamentit, tha se bëhet fjalë për helmimin me një agjent nervor të quajtur Novichok, nën posedimin e rusëve. Ndaj, tha ajo, pas sulmit qëndron Rusia. Moska i quajti si “përrallë” pretendimet e znj. May. E ndërkohë, kjo e fundit tha se dy ishin variantet: ose babë e bijë janë sulmuar direkt nga shteti rus, ose agjenti nervor i ka rënë në duar të tjera. Sipas saj, duhet që kjo gjë të sqarohet nga Moska brenda 24 orësh. May tha se Sekretari i Jashtëm Boris Johnson ka kontaktuar direkt ambasadorin rus për të dhënë përgjigje brenda afatit të përcaktuar.
Britania e konsideron aktin e ndodhur në territorin e saj edhe si një “sulm” ndaj saj, e për këtë ka paralajmëruar masa. Një nga ato mund të jetë dhe refuzimi për të marrë pjesën në Botërorin e Rusisë. /tesheshi.com/
