Ish-agjenti i dyfishtë rus, Sergei Skripal doli këtë të premte nga spitali, dy muaj pasi u helmua me një gaz nervor së bashku me të bijën, Julia.
Që të dy u gjetën të pavetëdijshëm në qytetin anglez të Salisbury-it më 4 mars dhe për disa javë ishin në gjendje kritike.
Tashmë ata janë në një gjendje të përmisuar shëndetësore, pasi ikën nga kthetrat e vdekjes. Ata u transferuan në një vend të fshehtë për arsye sigurie, raporton AP.
Londra ka akuzuar Moskën duke iu faturuar autoriteteve ruse helmimin e tyre, por Kremlini e ka hedhur gjithnjë poshtë këtë akuzë. Kjo ngjarje çoi në një përkeqësim të marrëdhënieve midis Rusisë dhe Perëndimit, që rezultoi dhe me dëbimin reciprok të ambasadorit. /tesheshi.com/
