Mësohen detaje të tjera rreth incidentit të rrëzimit të helikopterit të ushtrisë shqiptare në Liqenin e Shkodrës.
Sipas burimeve zyrtare, kanë humbur jetën dy pilotët: kapipteni Florian Deliaj dhe togeri Donald Hoxha. Ndërsa i plagosur është ushtari profesionist, Gerald Baramuça.
Helikopteri sipas Ministrisë së Mbrojtjes po zhvillonte një fulutim stërvitor nga Farka, ku ishte nisur në mëngjes, në drejtim të Malësisë së Madhe, saktësisht në Vermosh.
“Sipas planit të fluturimit helikopteri EC 145, me numër bordi 637, me 3 ekuipazh në bord, kapiten Florian Deliaj, toger Donald Hoxha dhe ushtar profesionist Gerald Baramuca, janë nisur nga Farka sot në orën 12:10 në një fluturim stërvitor në përputhje me programin e planifikuar dhe miratuar më parë. Në orën 13:45 ka qenë kontakti i fundit që helikopteri ka pasur me Qendrën e Kontrollit dhe Raportimit në Rinas”, theksohet në deklaratën e Ministrisë së Mbrojtjes.
Bëhet fjalë për helikopter francezë të markës Eurocopter të modelit EC 145të blerë në vitin 2009. Qeveria bleu një flotilje prej 5 helikopterësh me vlerë 58 milionë euro.
Ndërkaq, një helicopter EC 145 i cili përdoret për misione shpëtimi dhe emergjencash civile kushton 5.5 milionë euro.
/tesheshi.com/
